Hoxe prepararemos unha receita express completamente vegana: Tortiglioni con kale e améndoa. Prato de pasta lixeiro e fresco para os días de verán.
- 200 g. de kale.
- 200 g. de tortiglioni.
- 25 gramos de améndoa picada.
- Zume de 1 limón.
- 1 dente de allo laminado.
- AOVE.
- Sal ao gusto
- Cocer a kale en auga fervendo durante 3 minutos cun chisco de sal e AOVE.
- Cocer a pasta en auga salgada fervente durante 9 minutos.
- Unha vez teñamos a kale lista, escoarémola para saltear co allo e un chisco de AOVE durante 1 minuto.
- A continuación engadiremos a pasta e seguiremos a saltear.
- Engadir o zume de limón e a améndoa picada. Saltear durante 1 minuto máis.
- Quen quixer, podería acompañar este prato de queixo vegano relado.