A de onte foi unha desas noites de preguiza en que non quería enredar moito para a cea e, neses casos, os noodles sempre son unha boa opción.
Ingredientes: |
250 g. de noodles de trigo.
½ cabaciña.
50 g. de feixóns verdes.
20g. de salsa de ostras.
20 g. de auga tépeda.
10 g. de salsa soia doce.
6 paus de caranguexo.
Opcional: Salsa agridoce con chiles para darlle un toque picante. |
Pasos: |
- Ferver auga e deixar os noodles repousando nela durante 5 minutos.
- Saltear a cabaciña e os feixóns nun wok 5 minutos.
- Engadir a salsa de ostras e a auga. Saltear durante 3 minutos máis.
- Botar os paus de caranguexo e a soia doce. Saltear 1 minuto.
- Engadir os noodles e mesturar ben para que a salsa impregne todo.
- Para rematar, se queredes, podedes botar un pouco de salsa agridoce con chili para darlle un toque picante.